早幾天，藍藍應同學要求，急找我代為她同學一份畢業功課，當臨時聲演「媽媽」一角。
別以為這同學一定是看準這位媽媽，具有一把很亮麗的聲音。她其實對這個同學媽媽什麼來歷一概不知，只打算隨便找個有空的媽媽幫個忙，錄幾句台詞。而且也不止問借媽媽，也想問借爸爸。
大塊先生這些日子天天工作忙得半死，聲音累得不得了；而且劇本要這位爸爸很兇地罵兒子很沒出息。認識大塊先生應該在看到這裡已經笑了出來。沒錯，完全錯了，我指是找錯了對象。這位被女兒喻為說粗話的力度只等於伸手指出來按電梯的按鈕一樣。當然，大塊先生被觸得很怒時，還是會跟他本人形像——怪獸吼一樣；只是，多年來，家裡養著個高貴的女王，跟要長年對他的公主低聲下氣，保持溫文爸爸態度；他大抵是沒有導火線是爆不出來。
加上，這孩子的劇本實在太爛了！(也許該向她提議一下 iStage 的編劇班) 主角的角色背景不清不楚，場地動機都是突如其來，非常隨意；最糟糕是這女生平常對人和周遭的的觸覺太低 (這由他們一班同學一起出遊及兩年一起學習所得的結論)；不能說這女生太錯，只怪現代年青人過份集中精神和精力在電子螢幕上。在藍藍多次督促，不要過份認真，不要動完美主義念頭；強逼她的媽媽以最快速度完成。
我當然很不滿意這種表現，卻竟然得到要求者200分滿意收貨。我跟藍藍相對苦笑。
然後，藍藍提起「想當年」……新開始寫博不久的中秋，大家都在自己部落格跟博友們說中秋節快樂。這氣氛是當年 mysinablog 的獨有景象，而當時葉一知 在他博裡發了個 podcast 以搞笑聲音扮嫦娥說故事，引起大家嘩然。
聽了這則讓人捧腹的 podcast，藍藍和我就發起玩親子遊戲；即寫短故事，以 podcast 錄了下來。結果，我們這個嫦娥故事，又引來一班博友一樂，紛紛趕來留言。可惜，後來 podcast 的平台倒閉了，我當日似乎沒有好好的把原聲檔留起。今日翻舊文，只找到台詞原稿——
| 玉： | 嫦娥，嫦娥，你終於都返來啦，你去左邊呀，擔心死我啦。 |
| 嫦： | 玉兔，見到你真係好啦，你有無事呀。 |
| 玉： | 我無事呀，你究竟去左邊呀。 |
| 嫦： | 我都唔知發生左咩事，咪就係迎月個晚，我明明打扮好，準備出席月宮大會，忽然一舊雲飛埋來，我眼前一黑，就被人「老笠」。醒番之後，我就被人「困」住左玉桂宮個處。 |
| 玉 | 咁你點返來架。 |
| 嫦 | 咪好彩有吳剛囉。 |
| 玉 | 吳剛唔係放左假架咩。 |
| 嫦 | 真係好彩得咁橋乍，佢擦哂油先發現唔記得炭，咁就番轉頭玉桂宮，點知就聽到我大聲叫救命，於是咪佢救我出來架囉。係呢，你知唔知邊個老笠我，呢兩日發生左咩事呀。 |
| 玉 | 聽講有人假扮你，講埋d唔等駛既野。 |
| 嫦 | 下，邊個咁夠pop，扮我？咁有無影響到我美麗形象先。 |
| 玉 | 好彩無人相信佢係嫦娥，佢把聲實在太恐佈，於是個個都走夾唔抖。 跟住，有地星防衛隊既人來拘捕佢，証實佢係唔知咩公園走來「搞搞陣」。
地星防衛隊隊長仲問我，我地同地星咩咩MSN有無聯繫添呀。根據佢地個太空總部數據所得，有一班地星人趁住中秋，亂咁SEND MSN，搞到D電腦中哂毒，個D咩網址亂咁LINK……咁話。 |
| 嫦 | 咪住，等我諗下先……我個時就係用緊MSN同大家公佈中秋節快樂喎。亂哂D LINK？會唔會就係咁搞亂我地月宮個保安系統，於是我就無拉拉被人拎左去玉桂宮個處啦。 |
| 玉 | 下，唔通就係咁得咁橋，中秋就LINK亂哂D人物？ |
| 嫦 | 今日幾號呀？ |
| 玉 | 家陣係追緊月啦。 |
| 嫦 | 哦，我唔係度呢兩日大家開唔開心丫。 |
| 玉 | D人要求好簡單唧，只要個月亮夠圓，D月餅夠甜，就好滿足架啦。 |
| 嫦 | 咁我去休息啦，下年見啦。 |
我飾演嫦娥，當時只得10歲藍藍當然是演玉兔。
各位當日博友，還記得我們的聲音嗎？
別緻 BEE （神戶寶莉阿姨） 